секому (зам.)
Не можеш секому и секаде да извадиш грклен. А имав таков порив.
„Бунар“
од Димитар Башевски
(2001)
Честопати се гледаме како секој да му е крив секому.
„Небеска Тимјановна“
од Петре М. Андреевски
(1988)
Секому радост му дошло оти Аџи Силјан си дошол и отрчал да го види и добре дојде да му рече.
„Силјан штркот“
од Марко Цепенков
(1900)
Секому веднаш му паѓаше в очи по неговата сина отворена боја на облеката. Одеше исправено, со спокојни чекори и гледајќи само право и далеку пред себе.
„МАРГИНА бр. 34“
(1996)
Секому му е сѐ јасно. Од петтата година на сите им е сѐ јасно.
„Диво месо“
од Горан Стефановски
(1979)
Кога ќе се разбранам и толку развилнеам та да се кренам, да стигнам насекаде, да давам секому сѐ што ветувам и како далга неукротена од брег на брег моќно да прелетувам?
„Слеј се со тишината“
од Ацо Шопов
(1955)
Ох, да не се потсетувам на поговорката дека секому најдраго му е да му цркне козата на комшијата.
„Продавница за љубопитните“
од Мето Јовановски
(2003)
III Секој во семејството, на свој начин, беше опседнат од енигмата на враќањето во родната земја, но секому му беше јасно за нашата припадност и на земјата без враќање.
„Атеистички музеј“
од Луан Старова
(1997)
Секому по малку, колку да не му падне курето од гледање.
„Небеска Тимјановна“
од Петре М. Андреевски
(1988)
Истите сакаше како мирисен цвет да ги дари, но не секому.
„Последната алка“
од Стојан Арсиќ
(2013)
Ама сѐ, сѐ имаше стокмено за сите тројца браќа, та дури и три поскурника и три толчника беа настаменети. Секому по толку.
„Крпен живот“
од Стале Попов
(1953)
„Затоа сакам да се информирам за туѓите нации и секому му советувам да постапува на истиот начин.
„МАРГИНА бр. 6-7“
(1994)
Мелодрама
Не, доволни се двајца
нема место за повеќе
и кога би можеле да го измениме
и кога праведно би го поделиле
Имотов, секому
на три, на два, на еден
не би било исто
ни делот, ни целоста
ја имаме
сите ние со празни раце
ништо немаме
штом пасијата стане посесија
геометриска прогресија
- хаос.
„Ерато“
од Катица Ќулавкова
(2008)
Нивното бојно поле - денот се подаваше во еден замав на нивна крвава пресметка, земајќи ја бојата на секој од тие ветрови, а како своја залога препуштајќи им ги ним токму своите облаци, секогаш и секому само онолку, колку што можеа да си одземат, да си извојуваат еден од друг овие двајца лути противници.
„Белата долина“
од Симон Дракул
(1962)
И додека ја вдишувавме и ја голтавме сладината, таа од џебот ја извади сојката со сиџим врзана за појас, ја пресече тиквата на фаши, парче отсечуваше и парчето секому му го подаваше со рака.
„На пат со времето“
од Петре Наковски
(2010)
Се нагрвалија околу вреќите. Шаќир почна да тура секому по еден грст црн прав и по една рака куршуми.
„Толе Паша“
од Стале Попов
(1976)
Колку е себичен човекот, господе, и болката своја не ја дава секому.
„Небеска Тимјановна“
од Петре М. Андреевски
(1988)
Подруго е да ги стрижеа твоите овчји грижи - секому дај и пак тебе животта да ти е полна...
„Куршуми низ времето“
од Љупчо Стојменски
(1976)
Сѐ беше на попуст, секој секому попушташе, само жива глава да извлече.
„Сонце во тегла“
од Илина Јакимовска
(2009)
Во вагонот милосрдната сестра е сѐ: и лекар, и интендант и господ: дели по малку од водата, од лебот, од лековите; не остава да се моча по сламата, секому му подава кофа.
„Свето проклето“
од Јован Стрезовски
(1978)
