понастрана (прил.)
Зборуваме за војната, а она што нѐ тера да се бараме, го оставаме понастрана.
„Небеска Тимјановна“
од Петре М. Андреевски
(1988)
Дури и кожата ѝ е рапава и како да се држи понастрана од нејзиниот костур.
„Небеска Тимјановна“
од Петре М. Андреевски
(1988)
Колку е лажен човечкиот срам и колку е застанат понастрана од лицето негово!
„Небеска Тимјановна“
од Петре М. Андреевски
(1988)
Навечер дома седнуваше уште понастрана од него и уште построго го гледаше прашувајќи се дали на деда работата му е чиста или навистина, како што велат селаните, не му е.
„Луман арамијата“
од Мето Јовановски
(1954)
Малку понастрана од нас другарите пувкаат од устите, си го тераат сонот.
„Небеска Тимјановна“
од Петре М. Андреевски
(1988)
Се врти и се замазнува, ниедно влакно да не остане понастрана.
„Небеска Тимјановна“
од Петре М. Андреевски
(1988)
така после и Бугарите нѐ држеа понастрана, првин ни дадоа да подработуваме околу казаните нивни, околу јадењата и Стеван Докуз стана поразговорлив, почна и тој да арчи зборови: ами судбина, Мирче, ќе ми рече, така ни било пишано, а јас ќе му одговорам: да му се мочам во писалката на тој што напиша така и Стеван ќе ја сврти главата и ќе земе да трупи дрва и да дроби компири и ќе џвака нешто-што било, - ќе прежива со устата, оти тој кога сака и колку сака може да огладне, колку што сака не може само да се најаде, гладта, ко кучка му стои на желудникот, во дупнато решето водата николку не стои,
„Пиреј“
од Петре М. Андреевски
(1983)
Братучедите, прво, за секој случај, се сачеа сѐ понастрана додека не сфатија дека во ова несфатливо сновање може да се случи да ги разделат.
„Будалетинки“
од Мето Јовановски
(1973)
Сакам да ги запрам, а тие се понастрана ми стојат.
„Пиреј“
од Петре М. Андреевски
(1983)
Овој марифет и Бегот им го препорача на селаните, но не зеде и не земаше веќе учество во селските работи, сметајќи се за виновен и компромитиран и молејќи ги да го остават малку понастрана и за нивно добро, бидејќи и Турците не ќе гледаат со добро око на него.
„Толе Паша“
од Стале Попов
(1976)
Малку понастрана догоруваше оган на кој се допечуваше јагне.
„Бојан“
од Глигор Поповски
(1973)
Ти си млада. Изгледаш нормално и невино. Ако се држиш понастрана од луѓе како мене, можеш да поживееш уште педесет години.
„1984“
од Џорџ Орвел
(1998)
Живееја понастрана, безбедни од нормалните луѓе.
„Лек против меланхолија“
од Реј Бредбери
(1994)
Паркиравме сред село. Понастрана бела Лада со скопски регистарски таблички.
„На пат со времето“
од Петре Наковски
(2010)
Луѓето или не веруваа во тоа што се случуваше, или бегаа понастрана за да не се најдат во обврска да помогнат.
„Бунар“
од Димитар Башевски
(2001)
А и Коста гледа некаде понастрана.
„Небеска Тимјановна“
од Петре М. Андреевски
(1988)
Капинка ме завлекува понастрана од патот, сѐ в урес ми оди девојчето.
„Пиреј“
од Петре М. Андреевски
(1983)
Тој клекна на колена и во мигот кога сакаш да стане, малку понастрана, само десетина чекори од него, во трските виде легнато женско тело.
„Големата удолница“
од Петре Наковски
(2014)
Како што атмосферата стануваше сѐ повесела, газдата Вајс ја креваше чашата и му наздравуваше на персоналот, но поради слепилото, раката му одеше малку понастрана од масата.
„Животраг“
од Јован Стрезовски
(1995)
Седеа понастрана, на одарот, во полутемнината. Гледав и слушав.
„Маслинови гранчиња“
од Глигор Поповски
(1999)
