изнесе (св.)
Решиле луѓето да ја изнесат својата несреќа од дома и на улица да ја исправат историјата.
„Небеска Тимјановна“
од Петре М. Андреевски
(1988)
Ги носеше на купче, а потоа ги ставаше в кофа и ги изнесуваше од дворот.
„Билјана“
од Глигор Поповски
(1972)
Денизден го слушам чкрипањето на количката на која ги изнесуваат отсечените човечки парчиња.
„Небеска Тимјановна“
од Петре М. Андреевски
(1988)
Изнесол еден стол од куќата и седнал на среде улица да чита.
„Небеска Тимјановна“
од Петре М. Андреевски
(1988)
Ете оваа околност влијаела за бавноста во пронаоѓањето и изнесувањето на податоците.
„Желките од рајската градина“
од Србо Ивановски
(2010)
Словенска антитеза
Дали ветер се дигна над морето под небото
дали птиците се вратија и топлите времиња
дали јазикот се поднови и смислата
или миговните богови збор зедоа и загинаа
та преметите, луѓето и соништата безобѕирни
просторот и горчината ги размножија
и душата ми ја изнесоа на отворено
како разговор во акропол
да не смее да биде сама
а да сака?!
„Ерато“
од Катица Ќулавкова
(2008)
Се очекуваше Татко да го изнесе своето пледоаје за судството на Балканот, во текот на владеењето на последните империи, сѐ до оваа социјалистичка судница чиј дел требаше да стане и самиот.
„Тврдина од пепел“
од Луан Старова
(2002)
И мравките, ене ги го изнесле својот одвишок од храна да го потсушат на благото сонце да не им се расипе од зимошната влага, а мрзливиот штурчо дебне отстрана да може да крадне некое и друго зрнце, оти прегладнел за овие три четири месеци лежење под снегот.
„Толе Паша“
од Стале Попов
(1976)
Не било лесно на едни нозе двајца да изнесуваш.
„Небеска Тимјановна“
од Петре М. Андреевски
(1988)
Покрај тоа сака да истакне дека содржините што ќе ги изнесе барем за него не претставуваат ново сознание.
„Желките од рајската градина“
од Србо Ивановски
(2010)
Го подигнува и полека го изнесува на суво.
„Големата удолница“
од Петре Наковски
(2014)
Кога ќе ти го прочитам заклучокот на мојата дисертација, можеби сѐ ќе ти биде јасно! одговори мигум Камилски и продолжи: Замисли, мој пријателе, пред угледните професори, без оглед дали се од десничарско или левичарско убедување, а во комисијата на одбраната и од обете, можев слободно во заклучокот да го изнесам своето убедување: Педагогијата претставува грандиозна епоха во историјата на педагошката наука и нејзината примена ќе може да се остварува по Октомвриската револуција......
„Балканвавилонци“
од Луан Старова
(2014)
Фактички, со оваа промена дојде до повишување на старосната граница, бидејќи старосната граница за остварување право на старосна пензија во 2005 година изнесуваше 64 години за мажи и 61 години за жени.
„Обезвреднување на трудот“
од Савески, Апасиев, Ковачевски, Василев
(2010)
На странските вложувачи им се гарантира правото на слободно изнесување на вложениот капитал и добивката.
„Работни спорови - Позитивни примери од судската пракса“
од Димитар Апасиев
(2011)
Вистинското производство изнесуваше шеесет и два милиона.
„1984“
од Џорџ Орвел
(1998)
Ни ветер се дигна над морето под небото
ни птиците се вратија, ни топлите времиња
ни јазикот се поднови, ни смислата
ни миговните богови збор зедоа ни загинаа
- предметите, луѓето и соништата безобѕирни
просторот и горчината да ги размножат
и душата да ми ја изнесат на видело
како разговор во акропол
та да не смее да биде сама
а да сака,
Но
мислата ми се воздигна
кога Го видов!
„Ерато“
од Катица Ќулавкова
(2008)
Да се може и него ќе го кренеме, над облаци ќе го изнесеме.
„Небеска Тимјановна“
од Петре М. Андреевски
(1988)
Додека го слушаше својот учен пријател како со чудесна точност ја изнесуваше природната сага на јагулите, Татко не престануваше да трага по нови моменти во согласието меѓу движењето на своето семејство и патот на јагулите: „Зар коските на јагулите, по херојското патување, по љубовната обновувачка екстаза не се стопуваат, исчезнуваат на едно место?
„Патот на јагулите“
од Луан Старова
(2000)
Дали изнесовте од визбата од она вино што само на победниците им го нудите?
„Жената на белогардеецот“
од Србо Ивановски
(2001)
На Бина му беа малку пет лири и ја изнесе работата дури до владиката.
„Крпен живот“
од Стале Попов
(1953)
